Barcelona oo guul ka gaartay Valencia una gudubtay finalka tartanka Copa del Rey kulan Coutinho uu gool dhaliyay.

0

Barcelona ayaa guul weyn ka gaartay Valencia kulanka lugta labaad ee wareega semi finalka tartanka Copa del Rey, waxeyna laba gool ka heshay Coutinho iyo Rakitic taasoo wadarta guud ee isku cel-celiska goolasha ka dhigtay 3-0.

 

Blaugrana wuxuu kulankaan u bilowday iyadoo lugtii hore ee Mastella kusoo badisay kaliya 1-0 kagana mahad celinesa Luis Suarez, balse markii la yimid guriga ay martida ku aheyd waxey ku adkaadeen 2-0.

 

Philippe Coutinho ayaa shabaqa soo taabtay isagoo ku jira kaliya kulanka 5-daqiiqo isagoo soo galay qeybta labad wuxuuna caawinaad ka helay Luis Suarez, sidoo kale goolka labaad waxaa dhaliyay Ivan Rakitic daqiiqadii 82-aad waana goolka hurdada u diray Valencia.

 

Si kastaba natiijada waxey ka dhigan tahay in Barcelona ay finalka kula midoobeen Sevilla oo habeen hore ka gudubtay kooxda Leganes.

LEAVE A REPLY

Please enter your comment!
Please enter your name here