Wasaaradda Arrimaha Dibadda oo war ka soo saartay eedeyntii Wasiir Mukhtaar

0
124

Wasaaradda Arrimaha Dibadda xukuumadda Federaalka Soomaaliya ayaa waxa ay ka jawaabtay eedeyntii musuq maasuqa la xiriirtay ee loo soo jeediyay Wasiir ku-xigeenka Wasaaradda Arrimahada Dibadda Mukhtaar Mahad Daauud, taasi oo sababtay in xafiiskiisa shaqada ay ugu tageen ciidamo Boolis ah si ay u soo xiraan.

 

Halkaan hoose ka akhriso war qoraalka ah ee ka soo baxay Wasaaradda Arrimaha Dibadda.

 

Wasaaradda Arrimaha Dibadda iyo Iskaashiga Caalamiga waxa ay beeninaysaa dhammaan eedeymaha xaqiiqda ka fog ee lagu asteeyay waxa loogu yeeray “Musuq maasuq” ee warbaahinta ay mariyeen Hantidhowrka guud ee Qaranka iyo Xeer ilaaliyaha guud ee Qaranka, waxayna caddeyn u tahay habka ay uga tallaabeen hannaanka hey’adaha dowladda ay ku wada shaqeeyaan oo ah dukuminti is dhaafsi, taasi badalkeeeda ay ku dhiiradeen inay meel uga dhacaan maamuuska iyo xurmadda Wasaaradda, sidoo kale ay sumcad dilaan Mas’uul dowladeed oo xilkii loo igmaday gudanaya, lana hayn caddeymo sugan oo ah sheegashadooda.

Ciidan boolis ah oo loo tababaray la dagaalan argagaxiso ayaa xoog ku jiiray Dhismaha Wasaaradda August 04, taasina waxay Wasaaraddu u aragtaa fal lagu burburinayay kalsoonida wada shaqeyn ee hore loo abuuray, laguna dhaawacayay heybadeeda.

 

Wasaaraddu waxay cambaareyneysaa falkaasi ciidanka ee sharci darada ah ee loogu xadgudbay sharafteeda iyo shirka jaraa’id ee Hantidhowrka guud ee Qaranka iyo Xeer ilaaliyaha guud ee Qaranka ay ka jeediyeen hadallo been abuur ah oo aan asaas lahayn oo meel ka dhac ku ah sumcadda Wasiir kuxigeenka.

LEAVE A REPLY

Please enter your comment!
Please enter your name here